各位義師、家長或學生有無發現呢一兩個月中心多咗唔少新面孔呢？我哋今個暑假邀請咗約三十名的大專院校學生，憑住佢哋嘅熱心同技能，一同合作為補天舉行咗唔少活動，例如同樂日、工作坊、興趣班同慈善素宴，經歷兩個多月嘅實習，實習生喺分享會入面匯報咗呢兩個月嘅所學所得，以及實習生之間嘅情誼，希望呢啲難忘經驗會帶領你哋將來行得更遠。陳校長亦喺今次致詞中提及所有實習生都是「補天人」，感謝各位實習生喺呢兩個月嘅支持同心力，亦期望不久嘅將來，我哋再次喺補天相見。